Related Posts
Category : Gujarat
મકાન ખરીદતા પહેલા સાવધાન! RERA નો નવો નિયમ જાણી લો
- RERA રજિસ્ટ્રેશન સાથે પૂર્ણ પ્રોજેક્ટને લઈ મહત્વનો હુકમ
- પ્રોજેક્ટ પૂર્ણ થયા પછી રેરા રજિસ્ટ્રેશન દર્શાવવું પડશે
- જાહેરાતમાં રજિસ્ટ્રેશન નંબર દર્શાવવો ફરજિયાત
રિયલ એસ્ટેટ (Real Estate) ક્ષેત્રમાં ગ્રાહકોના હિતોનું રક્ષણ કરવા માટે રેરા (RERA – Real Estate Regulatory Authority) દ્વારા એક અત્યંત મહત્વનો હુકમ બહાર પાડવામાં આવ્યો છે. આ નવા નિયમ મુજબ, હવે જે પ્રોજેક્ટ્સ પૂર્ણ થઈ ગયા છે, તેમણે પણ પોતાની જાહેરાતોમાં રેરા રજિસ્ટ્રેશન નંબર (Registration Number) દર્શાવવો ફરજિયાત રહેશે. અત્યાર સુધી ઘણા કિસ્સાઓમાં પ્રોજેક્ટ પૂર્ણ થયા પછી બિલ્ડરો રજિસ્ટ્રેશન નંબરની વિગતો આપતા નહોતા, પરંતુ હવે કાયદાકીય માળખું વધુ ચુસ્ત બનાવવામાં આવ્યું છે.
જાહેરાતના તમામ માધ્યમોમાં વિગતો આપવી પડશે
રેરાના આદેશ અનુસાર બિલ્ડરો કે ડેવલપર્સ દ્વારા કરવામાં આવતી કોઈપણ પ્રકારની પ્રસિદ્ધિ (Publicity) માં રેરા નંબર હોવો જોઈએ. પછી ભલે તે ટેલિવિઝન, સમાચાર પત્રો કે સોશિયલ મીડિયા પ્લેટફોર્મ પર આપવામાં આવતી જાહેરાત હોય, દરેક જગ્યાએ રજિસ્ટ્રેશન નંબરનો સ્પષ્ટ ઉલ્લેખ કરવો પડશે. આ નિર્ણય પાછળનો મુખ્ય ઉદ્દેશ્ય ગ્રાહકોને છેતરાતા બચાવવાનો અને પ્રોજેક્ટની વિશ્વસનીયતા વધારવાનો છે.
દસ્તાવેજી પ્રક્રિયામાં કડક નિયમોનો અમલ
માત્ર જાહેરાતો જ નહીં, પરંતુ વેચાણ સાથે સંકળાયેલા મહત્વના દસ્તાવેજોમાં પણ આ નિયમ લાગુ પડશે. હવેથી કોઈપણ બુકિંગ ફોર્મ (Booking Form) અને એલોટમેન્ટ લેટર (Allotment Letter) માં રેરા રજિસ્ટ્રેશન નંબર હોવો અનિવાર્ય (Mandatory) છે. જો આ વિગતો નહીં હોય, તો તેને નિયમોનું ઉલ્લંઘન માનવામાં આવશે. આ પગલાથી મકાન ખરીદનારાઓને ખાતરી મળશે કે તેઓ જે પ્રોજેક્ટમાં રોકાણ કરી રહ્યા છે તે કાયદેસર રીતે માન્ય છે. આ હુકમથી રિયલ એસ્ટેટ માર્કેટમાં વધુ પારદર્શિતાઆવશે અને અનધિકૃત બાંધકામો પર લગામ કસાશે. ગ્રાહકો હવે પ્રોજેક્ટની સંપૂર્ણ વિગતો રેરાની વેબસાઈટ પર જઈને ચકાસી શકશે, જેનાથી ભવિષ્યમાં થતા વિવાદોમાં ઘટાડો થશે.
RERA શું છે?
રેરા (RERA) રજિસ્ટ્રેશન એ રિયલ એસ્ટેટ પ્રોજેક્ટ્સ અને એજન્ટો માટે કાયદેસરની માન્યતા મેળવવાની એક અનિવાર્ય પ્રક્રિયા છે, જે ગ્રાહકોના હિતોનું રક્ષણ કરે છે. 500 ચોરસ મીટરથી વધુ જમીન અથવા 8 થી વધુ એપાર્ટમેન્ટ ધરાવતા દરેક પ્રોજેક્ટ માટે બિલ્ડરે રેરા નંબર મેળવવો ફરજિયાત છે. આ પ્રક્રિયા માટે GujRERA પોર્ટલ પર પ્રોજેક્ટની વિગતો, જમીનના દસ્તાવેજો અને મંજૂર નકશાઓ સાથે ઓનલાઇન અરજી કરવાની હોય છે. રજિસ્ટ્રેશન દ્વારા પ્રોજેક્ટમાં પારદર્શિતા આવે છે, કામ સમયસર પૂર્ણ થાય છે અને બિલ્ડરની વિશ્વસનીયતા વધે છે. રેરા નંબર વગર પ્રોજેક્ટની જાહેરાત કરવી કે બુકિંગ લેવું ગેરકાનૂની ગણાય છે, જે રિયલ એસ્ટેટ ક્ષેત્રમાં શિસ્ત જાળવવામાં મદદરૂપ થાય છે.
Load more
